world health organization banned pakistan 53

ورلڈ ہیلتھ آرگنائزیشن نے پاکستان پرعالمی مشروط سفری پابندیوں میں مزید توسیع کر دی ہے،

ورلڈ ہیلتھ آرگنائزیشن نے پاکستان پرعالمی مشروط سفری پابندیوں میں مزید توسیع کر دی ہے،

انقلاب نیوز

پاکستان پر یہ پابندیاں اب مزید تین ماہ کے لیے برقرار رہیں گی۔

تفصیلات کے مطابق پاکستان پر سفری پابندیوں میں توسیع ڈبلیو ایچ او کی پولیو سے متعلق ایمرجنسی کمیٹی کی سفارش کے بعد کی گئی ہے۔

قبل ازیں سویٹزرلینڈ کے شہر جنیوا میں عالمی ادارہ صحت کے سربراہ کی زیر صدارت خصوصی اجلاس میں کہا گیا کہ پولیو وائرس کاعالمی پھیلاؤ صحت عامہ کے لیے بدستور خطرہ ہے۔

اجلاس کے اعلامیے کے مطابق پاکستان اور افغانستان بدستور پولیو وائرس کے پھیلاؤ میں ملوث ہیں، پاک افغان سرحدی مہاجرین پولیو پھیلاؤ کا سبب بن رہے ہیں۔

اعلامیے میں کہا گیا ہے کہ کراچی، پشاور اور کوئٹہ بلاک سے وائرس کا پھیلاؤ ہورہا ہے، تاہم اس سلسلے میں پاکستان کی انسداد پولیو سے متعلق کارکردگی کو قابل ستائش قرار دیا گیا۔

ڈبلیو ایچ او نے پولیو کے خلاف پاک افغان اعلیٰ سطحی تعاون کی تعریف کی جب کہ اجلاس میں پاک افغان دوطرفہ تعاون کو مزید بہتر بنانے کی بھی سفارش کی گئی۔

عالمی ادارہ صحت نے اجلاس میں اعلامیہ جاری کیا کہ دنیا پولیو کے خاتمے کے قریب پہنچ چکی ہے، اس لیے عالمی برادری کو پولیو وائرس کے مکمل خاتمے کے لیے مؤثر کردار ادا کرنا ہوگا۔

اپنی رائے دیں

اس خبر پر اپنی رائے کا اظہار کریں

اپنا تبصرہ بھیجیں